Die Woordfees Langtafel

Die Langtafel is vir baie Woordfeesentoesiaste ’n jaarlikse hoogtepunt en geliefde tradisie. Dit is aan hierdie Langtafel, onder die bome in Ryneveldstraat, waar die Toyota US Woordfees die feesplanne vir 2022 sal bekend maak. Die wêreldberoemde Universiteitskoor Stellenbosch sal optree en daar sal ook straatkunstenaars, ’n komediant, musiek, heerlike piekniekkos en wyn wees. Van Stellenbosch se beste restaurante verskaf die kos en gaste kan kies by watter restaurant se langtafelsegment hulle wil eet.

Die Langtafel werk vanjaar só:

  • Gaste kan net een spyskaart kies. Jy kan nie ’n eie spyskaart saamstel met keuses vanaf verskillende spyskaarte nie.
  • Gaste kan slegs aan die tafels van die restaurante sit by wie hulle gekies het om te eet. ’n Mens kan dus nie ’n kaartjie vir, byvoobeeld, die Hussar Grill-spyskaart koop en dan by die De Warenmarkt-tafel bedien word nie. Vriende wat saam wil sit, moet saam besluit vir watter restaurant hulle kaartjies wil koop. Met ander woorde, wanneer jy ’n kaartjie vir ’n spesifieke spyskaart koop, bespreek jy ’n plek aan daardie restaurant se tafel.
  • Elke restaurant berei ’n piekniekboks voor. Klik op die name van die onderskeie restaurante om te sien watter opsies hulle aanbied.
  • Indien jy ’n halaal-maaltyd benodig, kan jy die halaal-opsie by enige van die restaurante kies. Jou halaal-maaltyd sal deur The Chalk Board voorberei word. Daar is twee halaal-opsies om van te kies – een met vleis en ’n veganistiese piekniekboks. Wanneer jy ’n halaal-maaltyd kies, sit jy by die tafel van restaurant waar jy jou bestelling geplaas het en die ete word na jou toe gebring. The Chalk Board verskaf halaal-spyseniering aan al die restaurante, maar het nie ’n eie tafel nie.
  • Jy kan saam met jou kaartjie wyn van Kleine Zalze en/of Somerbosch koop. Jou kaartjie sal by een van die kroeë by die venue as koopbewys skandeer word.
    Let wel: Jy sal jou kaartjie moet vertoon om die wyn te kry wat jy vooraf bestel het.
  • Jy hoef nie wyn saam met jou kaartjies te koop nie. Stellenbosch Wynroetes sal ’n verskeidenheid wyne beskikbaar stel wat by ’n kontantlose kroeg by die venue te koop sal wees. Daar sal ook ’n koffiestalletjie wees waar gaste met ’n bankkaart of SnapScan kan betaal.
  • Let wel: Jou kaartjie sluit jou piekniekboks en die aand se vermaak in.

Kry jou kaartjies hier.

Sien die piekniekspyskaarte hier:

The Hussar Grill

Klik hier om The Hussar Grill se piekniekspyskaarte as PDF af te laai.

Prys: R495

Spier

Klik hier om Spier se piekniekspyskaarte as PDF af te laai.

Prys: R775

Eike deur Bertus Basson

Klik hier om Eike deur Bertus Basson se piekniekspyskaart as PDF af te laai.

Prys: R775

Toyota US Woordfees | Die Woordfees Langtafel

Blaauwklippen

Klik hier om Blaauwklippen se piekniekspyskaarte as PDF af te laai.

Prys: R790

De Warenmarkt

Klik hier om De Warenmarkt se piekniekspyskaarte as PDF af te laai.

Prys: R790

Halaal-spyseniering deur The Chalk Board

Klik hier om die Halaal-spysenieringspyskaarte deur The Chalk Board as PDF af te laai.

Prys: R495

Facebook
Twitter
LinkedIn
Lees ander berigte
Woordfees 2022
Woordfees

Woordfeesdatums vir 2022 bekend

Die Toyota US Woordfees kon op Maandagaand 14 Maart die eerste keer sedert Maart 2020 weer die gesellige Langtafel aanbied. Dié geliefde tradisie is tradisioneel

Lees meer »
Langtafel
Woordfees

Die Woordfees Langtafel

Die Langtafel is vir baie Woordfeesentoesiaste ’n jaarlikse hoogtepunt en geliefde tradisie. Dit is aan hierdie Langtafel, onder die bome in Ryneveldstraat, waar die Toyota

Lees meer »