Send it

Daar is nie so iets soos 'n "goeie" agt minuut lange stemnota nie. Oukei, dalk is daar, maar hierdie is nie een van daardie nie. Send It vertel die pynlik eerlike verhaal van liefde oor ’n afstand. Dit verken die intieme onsamehangendheid van iemand wat só verlief is dat dit haar tot op die verste rand van sosiaal aanvaarbare boodskappe dryf. Hoe sê ons wat ons voel en wat ons in ons diepste binneste wéét? Hoe hou ons aan die tasbare teenwoordigheid van ander vas?