Minette du Toit Pearce & Philippus Hugo: Reflections and Illuminations

Een van ons land se voorste mezzo-soprane, Minette du Toit-Pearce, die pianis Philippus Hugo en die in Suid-Afrika woonagtige Nigeriese tjellis Sunday Kelechi bied ’n gebalanseerde program wat om die twee begrippe in die konserttitel – refleksie en verheldering – draai. Die trio voer werke uit van Strauss, Debussy, Brahms, Fauré en die Suid-Afrikaanse komponis Antoni Schonken. Poësie en musikale kleure en teksture word verweef in ’n spel van donker en lig, lewe en dood, wat die impak daarvan op die mens se gemoed belig.