Italian Opera Arias

​​Die Suid-Afrikaanse bariton Theo Magongoma en pianis Danie Fourie se program bestaan uit 'n seleksie van arias uit Italiaanse operas wat op historiese dramas gegrond is. Dié program bevat van Verdi se mees veeleisende arias, asook werk van Leoncavallo en Puccini. Theo Magongoma het 'n BMus Hons-graad in Sang aan die Universiteit van Kaapstad behaal, en is tans besig met MMus-studies aan die Universiteit Stellenbosch. As 'n voormalige lid van die Kaapstadse opera-ateljee was Theo die wenner van etlike pryse asook twee prestigeryke beurse – een van die Queensland Opera en 'n Bruce Foote-beurs van die Meadows School of the Arts in Dallas, Texas.