Homegrown

In Homegrown voer van ons land se voorste kunstenaars kunsmusiek uit deur die Suid-Afrikaanse komponiste Alexander Johnson, Hugo Veldsman, Hendrik Hofmeyr, Matthijs van Dijk en Surendran Reddy. Die werke word uitgevoer deur die internasionaal bekende klavierduo TwoPianists – Nina Schumann en Luis Magalhães; klarinettis Cameron Williams en kitaarspeler Joshua Frank; altviolis Lynn Daphne Rudolph en pianis José Dias; Trio Pastel – 'n ensemble bestaande uit fluitis Liesl Stoltz, altviolis Petrus Coetzee en harpspeler Jana van der Walt; mezzosopraan Minette du Toit-Pearce en pianis Philippus Hugo, en orrelis Mario Nell. Die musiek is vars, meesleurend en volledig tuisgemaak.