Handel: Die Londense Operas

Die Kaapstad Barokorkes (voorheen Camerata Tinta Barocca) bied 'n konsert aan van solo's en duette uit operas van George Frideric Handel (1685 – 1759), met die Kanadese sopraan Stefanie True en die Suid-Afrikaanse kontratenoor Christopher Ainslie as soliste. Albei sangers is tans in Duitsland gevestig, spesialiseer in die sing van barokrepertoire en het internasionaal al saam met die bekendste barokorkeste en operageselskappe gewerk. Gedirigeer vanaf die klavesimbel deur Erik Dippenaar.