Die vlieënde koffer

Die vlieënde koffer is 'n kontemporêre verwerking van Hans Christian Andersen se klassieke sprokiesverhaal. 'n Jong man reis met 'n vlieënde koffer na 'n wonderwêreld. Die kombinasie van akteurs en die betowerende wêreld van skadupoppe, illustreer hoe tydloos en toepaslik hierdie storie vir 'n hedendaagse gehoor is. Hierdie produksie deur dramastudente van die Universiteit Stellenbosch is 'n huldeblyk aan die baanbrekerswerk van Lotte Reiniger wat die eerste animasiefilms gemaak het.