Dance Dialogue – Visual Traces Of Sound

Dance Dialogue – Visual Traces Of Sound. Die kunstenaar neem haar tyd – hou die marimba fyn dop, tel 'n dik swart stuk houtskool op en begin. Met die beweging van die musikant raak die lyne op die ongedrukte koerantpapier meer, hulle raak lewendig, vergestalt die klanke van marimba, koeiklokke, terracotta-potjies. Die dialoog tussen die kunstenaars – geluidloos tasbaar – sweef in die industriële gebou rond. Die musikant dans agter die eksotiese instrumente aan; die kunstenaar se houtskool, akriel en pool noodles dans oor die papier. En die kyker "sien" 'n kaleidoskoop van klanke.