fbpx
Toyota US Woordfees | Aansoeke

Die Toyota US Woordfees vind vanjaar landwyd plaas – eksklusief op DStv. Vanaf 1 tot 7 Oktober 2021 kan jy Woordfees-TV kyk op DStv-kanaal 198. Alle DStv-intekenaars met ’n Premium- en Compact Plus-pakket sal toegang tot dié opwipkanaal hê.

Die Woordfees-TV-aanbod sal die meeste genres dek wat gewoonlik deel van die program is: boeke en skrywers, toneel, kontemporêre en klassieke musiek, stand-up-komedie, leefstyl, diskoers en dans. Daar sal ook herhalings van uitgesoekte inhoud op die fees-TV-kanaal wees.

Die program word saamgestel spesifiek met TV in gedagte. Deelname sal dus hoofsaaklik op uitnodiging wees, maar kunstenaars wat onlangse opnames van geskikte bestaande werk het wat aan die tegniese vereistes vir uitsending voldoen, het die geleentheid om hierdie werk voor te lê vir keuring.

Klik hier vir die aanlyn aansoekvorm en meer besonderhede.

Klik hier om die erkenningslysvorm af te laai waarop alle medewerkers gelys moet word.

Aansoeke open: 8 Julie 2021
Aansoeke sluit: 15 Julie 2021

Jou inskrywing moet aan die volgende tegniese vereistes voldoen:

– Resolusie: 1920 x 1080

– Beeldverhouding: 16:9

– Bistempo: 12 Mbps

– Stereo-oudio

Die volgende formate word aanvaar:
H264, MP4, MOV, MXF, ProRes, QuickTime

Aansoekfooi:
Alle aansoeke moet vergesel word van ’n aansoekfooi. Die fooi hang af van die tydsduur van die film/projek/opname. Hierdie is ’n eenmalige bedrag (BTW ingesluit) wat nie terugbetaalbaar is nie:

  1. R200 vir projekte tussen 0 – 15 minute
  2. R350 vir projekte tussen 15 – 30 minute
  3. R500 vir projekte langer as 30 minute

*Besonderhede en verdere inligting rakende die aansoekfooi is in die aansoekvorm vervat.

Vir meer inligting, stuur ’n e-pos na: wf2021@sun.ac.za