fbpx

’n Groot, warm dankie

Die 22ste Toyota US Woordfees was die eerste kunstefees wat volledig op ’n opwip-TV-kanaal plaasgevind het. Woordfees TV is van 1 tot 7 Oktober landwyd en in Namibië uitgesaai op DStv-kanaal 150. In Namibië was dit ook op GOtv-kanaal 15 beskikbaar.

Woordfees TV sou egter nie kon gebeur sonder die inkoop, diep delf en vindingrykheid van kunstenaars nie. Baie dankie dat julle die fees se hande geneem en sonder voorbehoud ondersteun het om hierdie kanaal moontlik te maak.

Meer as 300 kunstenaars en 200 tegnici was betrokke by die skep van die inhoud vir hierdie kanaal. Uiteindelik is meer as 70 nuwe programme vir Woordfees TV geskep, en meer as 60 bestaande produksies is gelisensieer om vir 24uur, 7dae aaneen, ’n kunstefees na jou sitkamer te bring.

Hartlike dank ook aan ons meelewende kykers wat soveel entoesiasme op sosiale media en in e-posse aan die feeskantoor gedeel het. Dis wonderlik dat ons op grond van die groot navraag na herhalings deur DStv genooi is om Woordfees TV met drie dae van 8 tot 10 Oktober te verleng.

“Ons is geweldig dankbaar en bevoorreg,” sê feesdirekteur, Saartjie Botha, “om op hierdie manier te kon help om die kunste en ons handelsmerk lewendig te hou en blootstelling aan ons lojale borge te gee. Woordfees TV het nogmaals gewys: sonder kunstenaars is ons nie en sonder borge kan ons nie.

“ ’n Innige dankie dus aan ons naamborge (Toyota en Universiteit Stellenbosch), platinumborge (kykNET en Media24), goue borge (Distell en Standard Bank), ons silwerborg (ATKV) en aan DStv, wat die platform beskikbaar gestel het. Hartlike dank ook aan ons gewaardeerde donateurs (Het Jan Marais Nationale Fonds, NATi, Dagbreek Trust,  WF20 en TAO), almal wat tot die Liefde-vir-die-Woordfees-veldtog bygedra het en aan al ons projek- en produksievennote. Mag ons binnekort weer ’n fees in die vlees kan aanbied.”

Planne vir die Toyota US Woordfees 2022 sal binnekort aangekondig word.

Share on facebook
Facebook
Share on twitter
Twitter
Share on linkedin
LinkedIn
Lees ander berigte
Nuus
Woordfees

’n Groot, warm dankie

Die 22ste Toyota US Woordfees was die eerste kunstefees wat volledig op ’n opwip-TV-kanaal plaasgevind het. Woordfees TV is van 1 tot 7 Oktober landwyd

Lees meer »